Travel Knowledges

Travel is education for living.

ပျင်းရိလွန်းသဖြင့် ဆူးခြုံအတွင်း အပစ်ခံရသည့်ဘဝမှ ကြိုးစားသဖြင့် မင်းဆရာဖြစ်လာသော ရှင်နာဂိတမထေရ် သီတင်းသုံးရာ ဆူးတွင်းပစ်ကျောင်း

“ဆူးတွင်းပစ်ကျောင်း” ဆိုတဲ့ နာမည်လေးက ထူးခြားတယ်နော် … ကျောင်းတိုက်ရဲ့ နာမည်က ထူးခြားသလို ကျောင်းတိုက်ရဲ့ အတ္ထုပ္ပတ္တိကလည်း ဆန်းပြားပါတယ်။ ကျောင်းတိုက်အကြောင်းကို မပြောခင် တည်နေရာကို အရင် ညွှန်းပေးပါရစေ … ဆူးတွင်းပစ်ကျောင်းဟာ မန္တလေးတိုင်းဒေသကြီး၊ တံတားဦးမြို့ရဲ့ တောင်ဘက်အခြမ်း ပင်းယမြို့ဟောင်းမှာ ရှိပါတယ်။ ပင်းယရွှေစည်းခုံစေတီရဲ့ တောင်ဘက်အရပ်မှာ ရှိတာမို့ ရှာရလွယ်မှာပါ။

ပင်းယခေတ် ငါးစီးရှင်ကျော်စွာ၏ သားတော် ကျော်စွာငယ်မင်း လက်ထက်မှာ စာလုပ်ရမှာကို အင်မတန် ပျင်းရိတဲ့ ကျောင်းသားလေး တစ်ယောက်ရှိပါတယ်။ ကျောင်းသားလေးရဲ့ ဇာတိက စစ်ကိုင်းမြို့၏ မြောက်ဘက် သာစည်ရွာပါ။ စာမလုပ်ချင်တဲ့ ကျောင်းသားလေးဟာ မကြာခဏ ဆိုသလို ကျောင်းပြေးလေ့ ရှိတယ်။ ဖခင်ဖြစ်သူ အသည်ကြီးက မည်မျှပင် ဆုံးမစေကာမူ အမှတ်မရှိဘူး။ တစ်နေ့တော့ ဖခင်ဖြစ်သူဟာ သားဖြစ်သူအား နောင်တရစိမ့်သောငှာ ဆူးခြုံအတွင်း ထားကာ အပစ်ပေးတယ်။ ဒဏ်ပေးထားရာမှ လွတ်သွားတဲ့အခါ ကျောင်းသားလေးဟာ အိမ်သို့ မပြန်တော့ဘဲ ဘုန်းကြီးကျောင်းသို့ ပြောင်းနေတယ်။ အချိန်ကြာလာသည်နှင့်အမျှ ကျောင်းနေပျော်လာပြီး စာသင်ရန် စိတ်အားထက်သန်လာတယ်။ နောက်တော့ ကျောင်းသားလေးဟာ သင်္ဃန်းစည်းပြီး သာမဏေဝတ်ကာ လောကီ၊ လောကုတ္တရာစာပေများကို အပတ်တကုတ် ဆည်းပူးလေ့လာပါတော့တယ်။ ရှင်နာဂိတမထေရ်ဟာ ရွာကျောင်းမှာ ပညာဆည်းပူရသည်ကို အားမရသဖြင့် စကားကျောင်းမမှာ သီတင်းသုံးတဲ့ ရှင်သုဓမ္မမဟာသာမိမထေရ်ထံမှာ ပညာသင်ယူလိုတဲ့အတွက် ပုဂံမြို့သို့ ကြွသွားပါတယ်။

ရှင်နာဂိတမထေရ်ဟာ စာပေကျမ်းဂန်များအား လုံ့လအပြည့်ဖြင့် သင်အံယူသောကြောင့် ကျမ်းဂန်အရာမှာ နှံ့စပ်တဲ့ မထေရ်တစ်ပါးအဖြစ် ဂုဏ်သတင်း ကျော်ကြားလာတယ်။ မထေရ်ရဲ့ ဂုဏ်သတင်းဟာ သာစည်ရွာမှာ ကျန်ခဲ့သော ဖခင်အသည်ကြီး၏ နားအထိ ပေါက်ရောက်တယ်။ အသည်ကြီးဟာ မထေရ်ရဲ့ အတ္ထုပ္ပတ္တိကို ကြားသိရသောအခါ မိမိ၏သား ဖြစ်မည် အထင်ဖြင့် ပုဂံမြို့သို့ လိုက်လာတယ်။ သားမှန်းသိသော် ဝတ်ကြီး၊ ဝတ်ငယ် ပြုစုစောင့်ရှောက်လိုသဖြင့် ကပ္ပိယအဖြစ် မထေရ်အပါးမှာ နေထိုင်ပါတယ်။

ရှင်နာဂိတမထေရ်ရဲ့ ပညာဆည်းပူးမှု အတိုင်းအစ ကျေနပ်ချိန်ရောက်သော် ဖခင်ဖြစ်သူဟာ ရဟန်းတော်အား မိခင်ဖြစ်သူထံ ကြွရောက်ချီးမြှင့်ဖို့ လျှောက်ထားတောင်းပန်တယ်။ ရဟန်းတော်က လက်ခံသဖြင့် ပုဂံမြို့မှ သာစည်ရွာသို့ ကြွရင်း ပင်းယရွှေမြို့တော်သို့ ရောက်လာပါတယ်။ ခရီးတထောက် နားခိုရန် ကျောင်းတိုက်ကို ရှာသောအခါ မြို့သူမြို့သားများက ပင်းယမင်း ဆောက်လုပ်ထားတဲ့ ကျောင်းတော်ကြီးတစ်ဆောင်မှာ သီတင်းသုံးမည့် ရဟန်းတော် မရှိသေးကြောင်း၊ မင်းကြီးဟာ သီလဝန်၊ ဂုဏဝန် (အကျင့်သီလ သာမက စာပေကျမ်းဂန်အရာမှာပါ နှံ့စပ်ခြင်း) တို့ဖြင့် ပြည့်စုံသော မည်သည့်ရဟန်းမဆို တက်ရောက်သီတင်းသုံးနိုင်သည်ဟု ကြော်ငြာထားကြောင်း မထေရ်အား လျှောက်ထားကြတယ်။ ဒကာတို့ စကားဆုံးသောအခါ ရှင်နာဂိတမထေရ်ဟာ ဖခင်အသည်ကြီးနှင့်အတူ ဘုရင်ဆောက်လုပ်ထားသော “ရတနာအောင်မြေ မဟာဘုံစံကျော်စွာ ကျောင်းတိုက်” မှာ တက်ရောက်သီတင်းသုံးပါတယ်။

ကျောင်းတိုက်မှာ သီတင်းသုံးနေသည့် ရဟန်းရှိကြောင်း မင်းချင်းတို့ သိသောအခါ မင်းကြီးထံ လျှောက်တင်ကြတယ်။ မင်းကြီးက ပညာရှိအမတ်ကြီး စတုရင်္ဂဗလကို စေလွှတ်ပြီး ကျောင်းတော်အား လှူဒါန်းရန် ထိုက်သော ရဟန်း ဟုတ်မဟုတ်ကို စုံစမ်းစေတယ်။ ရှင်နာဂိတမထေရ်ဟာ အမတ်ကြီး မေးသမျှ ပါဠိ၊ အဋ္ဌကတာ၊ ဋီကာကျမ်းဂန်များထဲမှ ခက်ရာခက်ဆစ်များကို မတိမ်းမစောင်း အဟုတ်အမှန်အတိုင်း ဖြေကြားနိုင်ခဲ့တယ်။ အမတ်ကြီးဟာ မင်းကြီးအား ဧည့်သည်ရဟန်းတော်မှာ သီလဝန်၊ ဂုဏဝန် တို့ဖြင့် ပြည့်စုံကြောင်း လျှောက်တင်ပါတယ်။ မင်းကြီးလည်း နှစ်ထောင်းဝမ်းမြောက်လှသဖြင့် ရှင်နာဂိတမထေရ်အား ကျောင်းတိုက်အား ရေစက်ချ လှူဒါန်းပါတော့တယ်။ ရဟန်းတော်၏ ဖခင် အသည်ကြီးကိုလည်း ဆုလာဘ်များစွာ ချီးမြှင့်ပြီး သူဌေးဘွဲ့ ခံယူစေတယ်။

ငယ်ဘဝ အတ္ထုပ္ပတ္တိကြောင့် ဆူးတွင်းပစ်ဆရာတော် ဟုလည်းကောင်း၊ ပုဂံမှ ကြွချီလာသဖြင့် ပေါက္ကံဆရာတော် ဟုလည်းကောင်း ပင်းယခေတ်မှာ ထင်ရှားကျော်ကြားပါတယ်။ ရှင်နာဂိတမထေရ်ဟာ ပျင်းရိသော ကျောင်းသားလေး ဘဝမှ စာပေကျမ်းဂန်များကို ကြိုးစားလေ့လာခဲ့သဖြင့် ဘုရင်ကတောင် ကိုးကွယ်ရတဲ့ မင်းဆရာတစ်ပါး ဖြစ်လာခဲ့ပါတယ်။ မထေရ်၏ အကျိုးဖြင့် မိဘများသည်လည်း တစ်သက်တာပတ်လုံး ချမ်းချမ်းသာသာ နေသွားရတယ်။ အခွင့်အရေးဆိုတာ ပျင်းရိသူတွေဆီ ဘယ်သောအခါမှ ရောက်မလာ တတ်ပါဘူး။ ကြိုးစားခြင်းရဲ့ ရလာဒ်ကောင်းဟာ မိမိအတွက်သာ မကဘဲ မိမိရဲ့ မိသားစုဝင်တွေ အတွက်ပါ ရှိနိုင်ကြောင်း တင်ပြလိုက်ပါတယ်။

ဆူးတွင်းပစ်ကျောင်း အဝင်မုခ်ပေါက်
ဆူးတွင်းပစ်ကျောင်း အတွင်းမှ ရှေးဟောင်းအုတ်ကျောင်းတစ်ဆောင်
ဆူးတွင်းပစ်ကျောင်း အတွင်းမှ အနုဿီဟအရုပ်
ဆူးတွင်းပစ်ကျောင်း အတွင်းမှ ပျက်ဆီးနေသော ရှေးဟောင်းလက်ရာတစ်ခု

ချစ်ခင်စွာဖြင့်
ချမ်း - #travellerchan

Copyright © 2020 Traveller Chan. All Rights Reserved.